විඩාපත් වූ සිවුපාවෙකු විලසට
නගරය නිදියයි ගිනි කඳු යහනත
මුහුදු උඩින් එන සුළඟට එතෙමින්
සිවුපාවා ගොරවයි හඬ පතුරා
පැරණි දෙවිවරුන් පා සටහන් නැති
අහසෙහි ඇත්තේ තරුවැල් පමණයි
වදන් මැකී ගිය යැදුමක රාවෙට
තවත් දිනක් පායා එයි අහසේ
යුහුව නැඟිට සිට, නිදි ගැට පිස දා
දෙපා සසල කොට, වලිගය සොලවා
දහසක් හිමියන්ගේ දහසක් අණ
පිළිපදින්නට සැරසෙයි අද නගරය
Subscribe to:
Post Comments (Atom)
No comments:
Post a Comment